Agartala 26 November, 2024: Khorang tisa laikha TSF – Gateo khe swiwi thepakha Maharaja Birendra Kishore Manikya Museum and Cultural Centre.
Tabok khe ungsinai phw – Tata 5 Start Hotel, hinwi tini khorang tisalaikha TSF student mothani ungwi.
Pushpavant Palace puila swnam jakha Old Raj Bhavan tabok haino hai swnam jakna thangwi tongw Tata ni 5 start hotel.
Phiya omo Maharaja Birendra Kishore Manikya Museum and Cultural Centre swnam jakna tongmani si hinkhe bahai tongma chama Tata yagw sogwi sinai?
Swngmung kotorma ungwi kasajak Tiprasa dopha rogni. Luku rokni khuk kengna chengkha Kendra bai “Tiprasa Accord” sign khaima yakulo mungsa khorang tisawi manya Tipra Motha. Sign khaima paper o nw swrai swrai swijak tei protest khaiwi manglak hinwi. Omo ni bangwinw khorang tisana TSF siminw lama tongsio hinwi.
Omo bw Neta ni ora percentage thangna nai TTAADC haphang bai Haste haphang bai MoU sign khaima yakulo TATA nw swbha Pushpavant Palace Bubagra rogni Laibuma nw komorona nai?
Swngmung kotorma luku rogni khao tabok kasajak.
Tei baksa bwkhaktwi salaio Patal Kanya Jamatia kwtal party swnam mani yakulo, Motha ni bwkhaktwi mungsa political thungjaknai kwrwini bangwi de omo hai Political stunt khaina thangwi tong hinwi.
