Agartala 29 November, 2024: TBSE office o tala, Roman Script sanwi TSF ni adhong rokha tala. Solok naharjak Roman Script, phiyogwi de rojaknw haphangni bwkhaktwi o tala.
Tabok ni simiya o – Roman script sanlaima khorang, phiya North east ni laibuma nw cherwi naikhe kebo manya kho o script nw.
Sijak nwk jak rok salaio – sakni kokborok script koloma nw develop khaiwi Nursery ni simi phwrwngna chengkhe, O roman script sanwi jora nangma sai swkangnw haphangni gosemung manai hinwi o koloma script hinwi.
Phoya kebo phanu Koloma script ni bangwi kok sanaisi kwrwi – jotonw thurwng hapharno hamjakma eba thai swnamna bangwi.
Bodoland, Assam hasteo bw belainw kainwi religious ni bisingw belaino chuba rok cholewi langma chama kokthuna bw tongw.
Manipur hasteni sakni script manma bw laibuma tongw, borog bahai khe sakni script nw develop khaiwi Nursery ni chengkha, thansa ungwi bahaikhe borog bacha kha.
Phiya chini hasteo khe Political ni thai swnamwi siminw khorang tisa jagw hinwi sijak nwk jak rok salaio.
