O talni 15 November nisimi 17 November Tripura Agartala o Bhagwan Birsa Munda achaima salno twiwi kotor panda sungsa jaknai Janajatiya Gourav Diwas. Tripura Tribal Welfare Department ni bwkhaktwi Bangladesh Hakotorni Singer Payel Tripura o mwchang rona bangwi ringlaikha.
Payel Tripura omo nw puilaya Tripura hasteo phaima thangnai bisini Tringo bw phaiwi manjak phaijak. Omo haikhe tabok Bharat hakotorni Tiprasa dopha tei Bangladesh hakotorni Tiprasa rogni halog hamlaima nwkjagwi tongw.
Tripurani Singer Rumi Murasing tei Manik Debbarma ako rok Bangladesh hakotoro thangwi music video swnam laimani bw nwk jagwi tongw.
India Idol winner Sourabhee ni rwchapmungno tei Cover rwchapui tei bw Tripurao sinimung mankha payal. Omo nw karwi bw Tripura hasteni Mr. India manjak Mithun Debbarma bai bw bo Music video rok bw khwlai laikha.
Omo haikheno Tiprasa bai Tiprasa halok hamlaina bagwi ringlaikhana Tribal welfare Minister Bikash Debbarma.
