Tripura 1 Oct: TPF sungsanai Patal Kanya Jamatia, puilao IPFT o tongmani Tipraland sanlai thanio, Borogno ATISA rwngswrwngnai bodal bw sungsa kha. IPFT ni leader ni bisingw kok banglai kha Laptop swkuma laima kok nw twiwi.
IPFT ni kagwi thangkha Patal, Boni yakulo bw swrapsani bangwi INPT bw hapkha. Phiya aswk dwgwi tongwi manliya Ideology miliyani bangwi hinwi koktwma.
Aboni yakulo khe Patal Kanya Jamatia bw TPF nw sungsakha kha “Human rights” ni bangwi samwng tangna. Tripura hasteni luku rok belai nw kha nangwi chubana bw chengkha. Rang Donation bw rona cheng chubani bangwi.
TPF ni kaisa famous Dialogue bw “Chuba ni chibai” hinwi. Luku rogni bangwi samwng khaina bw chengkha. teisa tongw VOTE BYCOTT khaina.
Tabok khe Bubagra bw Tripura politics o entry rona chengkha – Puila Bubagra Pradyot tei Patal belai halok kaham tongmani. Shilong bw borog agreement bw sign khailai kha.
Aboni yakulo Bubagra Pradyot ni popularity Tripura hasteni luku rogni khao sogwi khe nw, Patal ni down ungkha chengkha. Haikhe borogni halok twlwk twlwk norjak na chengkha.
Salsa TPF ni ungwi Khumulwngw Human Rights sal palaina thang khephro, Tipra motha tei TPF ni bising kaisa kotor kok banglaima nwk jakha, Kok banglaima simiya ora Bubagra Pradyot nw bw yak tisawi rokha khoroksa TPF Supporter.
Omoni yakulo khe TPF khainai tei Patal Kanya Jamatia ni image down ni bising tei Down ungna chengkha. Media bw Patal ni loge tong liya, Backlash manna chengkha.
Boni yakulo khe Tipra motha nw jolima bai de ungkha bw bo BJP hap thangkha aphroni Cm Biplab Kumar Deb tei Bjp Tripura President Dr. Manik Saha ni yak romwi.
BJP join khaima yakulo BJP Tripura vice-president bw swnamwi rojakha. Tei Ompi assembly ni ticket bw mankha bw. Phiya luku rogni khukphangbai, over confidence tei Tipra motha popularity eba Bubagra Pradyot ni popularity nw mechemwi manliya. Vote pailiya Patal, Vote paiya phanu MOS swnamwi rojakha Patal nw – TRPC ni chairman bw.
Haino hai teisa Patal ni bangwi koktwma hamya kasawi phaikha HM Amit Shah tei Tripura Govt tei Tipra motha ni bisingw TIPRASA ACCORD bw sign khailaikha loksabha ni swkang, tongwi manliya Patal press meet khaiwi media bwskangw phai vote boycott khainani sakhlaikha Bubagra Pradyot ni bibi Kriti Devi Debbarman ni bangwi.
Boni yakulo Bjp Tripura GS Bipin Debbarma bai bw Anti party activity ni bangwi show cause notice bw rojakha. Loksabha paima ni yakulu bono norna bangwi bw wanswk laikha hinwi koktwma, phiya bono suspend khaijak liya party ni.
September tal 30 tarik o haino Media ni bwskangw phaiwi TPF ni bwkhaktwi Patal Kanya Jamatia press meet khaiwi sakhlai kha kwtal party swnam kha hinwi. Patal sakha TPF kaisa NGO si hinwi. Tabok ing sinai political party ni kaisa kwtal mung “Tripura Peoples’ Socialist party” hinwi. Bw tei bw sakha tei kaisa Entrepreneurship ni bangwi bw samwng tangnai hinwi kwtal motha khulogwi.
Sakhlaimani yakulo kheno Oct talni 1 tarik o bono vice president barjani norjakha Anti party activity ni bangwi. Nwkjak sijak rok salaio bo BJP o tongna liya hinwi.
CPIM party ni funding bw tisao hinwi koksilsa jagwi tongw TPF. TSF indirectly left wing ni bangwi de samwng tangnw swngmung luku rokni.
