Tripura 1 September 2024: Tiprasa News Channel (mostly YouTube ni Tiprasa news channel rok), norok Chini society noh tamo phwrwng mung rwnani muchung ?
Tamo standard set khlai nani muchung ?
Sal phaikhe, standard news si kwrwi, nusi nukya, mayani mankhe, khar lai mani, bir lai mani, walai mani, tok lai mani, tongmung sitra tong nai rok noh rutuk rutugwi tubui phunuk nani, kisa misa bihik bwsai walai mani boh phunuk sinai, bwkrajwk bai bwchamari kwthaya ong mani boh phunuk sinai.
Bui ni bihik bai bui ni bwsai khar lai mani khe compulsory news hai si ong si o.
Tei kwbangma noh tong kho, mwtai atai rok ni video noh khe ang sasi saliya.
Phunuk di, phiya omo hai content phunuk nai hwnkhe news channel ni mung ta rwdi.
Omo hai content rok news channel rom jak ya (mass media course o, kha khlai o), aboni bagwi news channel ni jaga o instead khoroksa YouTuber hwnwi consider khlai khe chanai.
Kunoh content kwrwi kha hwnkhe Tiprasa wak bahan phal nai, mui kwthwng phal nai ni interview phano phunuk di. Bohrok ni business noh twiywi phunuk di.
Kunoh content manya hwnkhe, teacher job khlai nai, bohrok ni school ni conditions, tabuk ni education system ni situation noh phunuk di.
Content phunuk nani muchung khe, school o thangwi cherai rok future o tamo ong nani muchung, bohrok education kaham khe da manwi tong, abono phunuk di.
Chini para amchai o aswk biyal tongo, lama hamya, twi nung jak nai hamya, hospital kaham kwrwi, school kaham kwrwi, abo noh phunuk di. Abo hai content phunuk phano si paiglak.
Abo rok noh si compulsory news swnam di.
Motivational video phunuk di.
Rubber tapper rok ni documentary life phunuk di, phung aisiri siri hachwk ni mui kwthwng phal nai rok ni documentary life phunuk di.
Para ni representative, MDC, MLA rok noh interview nadi, tamo tamo samung complete ong kha hwnwi. Public noh tamo tamo kwtal rioi mankha hwnwi.
Chin culture tei agi ni laibuma rok noh phunugwi, Tiprasa noh promote khlai di.
Abo hai news rok noh si focus khlai di. Aswkhe si Tiprasa developed ong si nai.
News Media rok si democracy ni fourth pillar hwnjago. Mostly chini Tiprasa news channel rok, norok Khar lai mani, bulai mani phunugwi da fourth pillar ong nai ?
Ang norok noh hamya hwnya, phiya norok ni duty noh bujina nango, society norok noh belaikhe nai o tei follow khlai o.
Abo tabuk norok ni thani, norok chini Tiprasa noh tamo phwrwng nani muchung, tamo phunuk nani muchung.
Views ni bagwi simi Faltu content ta phunuk di, kisa kosto khlaiywi kaham content phunuk lai jadi. Ani request.
Tabuk aswk severe flood ong kha, chini Tiprasa facilities rok mankha da manya phunuk di, relief camp o chini Tiprasa ni tamo biyal tong phunuk di.
Tiprasa society noh content kaham phunugwi kaham ni lama si phunuk di, hamya tong mung phunugwi society noh pollute ta khlai di.
Chini Tiprasa society aswk hamya ongya kho, 10℅ hamya borok rok noh phunug ya phano kunoh ong ya, tei 90% Tiprasa kaham borok tongo.
Source: Anima Debbarma Jamatia (Joto kokthai bini social media post ni naharjak – kisaphanu swlaijak ya)
