Agartala 1st November, 2024: Khumulwng Press Clubni Luwajimung bai Diwali Terno Rugwi Phasalo Hasteni Jotto Koktwma Thumnairok no Kha Kaham Yapharkha Hasteni Mantri Okra Prof Dr.Manik Saha.
State Guest House oh Luwajijak oh Pandao Naruwai wngwi Manjakha Lukuham Samung Khlainai Dr.Bipin Debbarma. Manjakha Khumulwng Press Clubni President Angshumoy Debbarma, Secretary Ranjit Debbarma, Vice President Nripendra Debbarma, Asst. Secretary Manas Debbarma, Cashier Amulya Debbarma tei Dalbidal Kokthum Bedek ni Kubun Koktwma Thumnairok.
Pandao Khum Bochob Yapharwi Hasteni Mantri Okra Prof. Dr. Manik Sahano Lamjaksogwi Naharkha Khumulwng Press Clubni President Angshumoy Debbarma tei Secretary Ranjit Debbarma.
Pandao Tiprasa Koktwma Thumnairokni Dalbidal Jwngjal, Haste Haphangni Thani Manthai Rokno twiwi Kok Narukha Khorokdol Seniors Koktwma Thumnairok.
Sanmungno Khonawi Belaino Nangkukmani Honwi Samani Logilogi, Daktino Abono twiwi Saktharmung Naharjaknai Honwi Sakha Hasteni Mantri Okra Prof. Dr.Manik Saha.
