30 August, 2024: Chhattisgarh haphangni bwkhaktwi Tripura flood ni jwngjal tei thwilai thanglai nw nwgwi 15 Crore rangmarini ronani sakhalai kha Tripura haste nw.
Uttar Pradesh haphang 10 Crore sakhlai mani yakulo, Madhya Pradesh bw sakhlai phikha 20 crore ni bangwi, Northeast India ni puila sakhlai kha Arunachal Pradesh bw 5 crore ronani.
Tini haino hai Chhattisgarh CM Vishnu Deo Sai sakni x (twitter) ni bisingtwi sakhalai phikha 15 crore rang rona.
O koktwma nw manwi khatungjak Tripura hasteni CM Dr. Manik Saha. Hambai yaphar kha social media ni bwkhaktwi Chhattisgarh CM nw.
Tripura o tabokswk jora 15,000 crore rangmarini ni manwi khuknwi damage ungkha luku rokni. 32 jan thwikha tei 2 derajak tei 1 kwmajak.
Twlwk twlwk tabok phanu kwbangma patemung nwk jagwi tongkhw Tripura hasteo Electric sock nangwi thwima rok. 29 August salmario Madai eba mandwi ni khoroksa school khwlogwi thangma jora school nw thwikha hinwi bw koktwma kasawi phaikha. Class 6 parejaknai Ayush Debbarma mungwi. Phiya haphangni bwkhaktwi 19 August ni simi 24 August o je deranai aboroknw rangmanai hinwi sakhlai jak.
