Tripura 20 July, 2024: Laibuma rwkjak ter o Kharchi ter o joto nw bwkha odila chawi phaio jora phaikhe nw ter naina, Chibwrwi mwtai ni thani khulum sana.
Aichuk Debbarma bw 19 july ni horo mela naina thangwi kiphilma jorao lam kasuwi bwtok khaijakha belai nw krima swngsa khaiwi. Nogo phungw sokphai phro khe nw langma yakarna nangkha Aichuk, o naithok swngsarnw yakarna nangkha Aichuk.
12 bisi swrwngwi tongnai Aichuk Debbarma nw lam kasuwi bwtok khainai nw Lembu chhara outpost ni police khoroknwi nw romkha hinwi koktwma kokswngna bangwi.
O patemung Joy Ram Modi amchaini koktwma – Aichuk ni bwma sakha ani sajwla nw swbha aswk bwcham bwcham khaiwi bwkha, ani sajwla ba 12 osi porewi tong jakhw hinwi – mwktwi kungtwi khaiwi swlwkma kajak.
![Tongthok Kharchi ter naina thangma, rona nangkha langma: Aichuk Debbarma 2 img 4488 1](https://aguli.in/wp-content/uploads/2024/07/img_4488-1.jpg)
Aichuk ni nogo police bw thangwi sogwi kha – o samwng sitra thangnai rognw naitwkna chengkha hinwi koktwma.