Tripura July 5, 2024: Miya Tripura hasteni Bubagra Pradyot ni achaima sal, o achaima salno waisa phanu aswk kotor khaiwi palai jakma nwk jak yakhw. Tripura hasteni jotono wish khaima nwk jakha Montri okra Dr. Manik Saha tei kwtal MP ex-Cm Biplab Kumar Deb ako rok.
Congress party ni adhong rok bw, Phiya Bubagra Pradyot bai sungsajak party TIPRA MOTHA ni youth rokhe Thansa day hinwi bw palaima nwk jakha miya Bubagra ni achaima salo.
Buabgra Pradyot nw hamjaknai sikla rok hasteni kwbangma thaio thangwi bw palaima nwk jakha School o, beraikhri thaio, tei dalbidal thai rogo thangwi.
Patal Kanya Jamatia nw karwi jotono wish khaima nwk jakha, Kabita Jamatia nw bw wish khaima nwk jakha social media o. Phiya CPIM ni bw nwk jak liya wish khaima.
Omo nw puila aswk kotor khaiwi achaima sal palaima nwk jakha Tripura hasteo Bubagra Pradyot ni mungwi.
Read More: Chief Minister Inaugurates State-Wide Congenital Heart Disease Detection Camp
