Tripura 6th Schedule bai khobjak TTAADC bai tulangjak job belainw jwngjal o kwlaina nangkha Luku rogni sagw.
Phiya SZDO job tulang thani question paper leak ungmanu twi wi social media o khaksa borok – kaisa community nw majwra thepana chaitikmung chaitok tongw.
Phuwai aikhenw Jamatia Community nw hamya swinai rok baksa IT cell nw swnamjak tong khwna hinwi chonglaijak.
Sal phaikhenw majwra berna siminw borog Facebook group o Jamatia ni kisa misa Administration achok jak, Political mwngswnam jak roknw mwkhang swbai na tei Luku rok rogni bwsakangw mwkhang swbaina samwng tangwi tongw.
![TTAADC Question tei Ans leak ungma yakulo - Jamatia Community nw tangwi target? 2 7c154e37 c386 4ce3 bb6c c5a5c0d7b741 2 1](https://aguli.in/wp-content/uploads/2024/06/7c154e37-c386-4ce3-bb6c-c5a5c0d7b741-2-1.jpg)
Jamatia nw tangwi target?
![TTAADC Question tei Ans leak ungma yakulo - Jamatia Community nw tangwi target? 3 beb4bf19 f15f 4be1 b5bb c71ed30a26b1 1](https://aguli.in/wp-content/uploads/2024/06/beb4bf19-f15f-4be1-b5bb-c71ed30a26b1-1-750x1024.jpg)
Omo swbhani IT cell samwng khai rowi tong. Tangwi Jamatia nw target hinwi joli jak Jamatia Bosangni luku rok.
Political problem nw Community base swnamna tangwi chaitok wa nang?
Takni simiya omo hai IT CELL ni attack Jamatia Bosang rok salbwrwngnw khaijagwi tongw hinwi koktwma sahorjakha.
TTAADC haphangni samwng tangnai rok Question phalwi chao hinkhe tangwi – Jamatia Bosongnw tangwi target.