Aguli 18-09-2022: Tripura hasteni jotoni sai kwcham tei rwchapkwrwng hinwi sini mwng manwi tongnai tabok tei Sikli tongliya. Tini nw kwtal yapri kwtal sepna kok swnglaimwng panda khaijak kha.
Parmita Reang kwdwk sal romwi nw Tripura hasteni joto luku roknw boni khorang kwtal bai kha khogwi tongmani. Tini tongma chama boni kok swnglai mwng panda nw nwgwi “Jatka” nang jak – omo bophro hai ungwi thangkha hinwi.
Mwngchang Benedict Debbarma bai kwtal nukhung khalai sinai Singer Parmita Reang. Khatung khajani bisingtwi borogni o kok swng laimwng ungma nwk jakha.
Phiya khatung mani bisingtwi bono jotonw luku rok nw kha kaham yaphar lai jak. Tei Kwtal nukhung khathani kaham bai kwrwngwi thang di hinwi.
AGULI STAFF DESK
