Aguli 19-08-2022: Tini ungkha Tripura hasteni kwtal Tripura sungsanai tei Tripura nw kwchwk tisana hachalni koknw wanswknai Tripura Bubagra Maharaja Bir Bikram Kishore Manikya ni achaima sal. Tini Bubagrani achaima salo nw Tripura hasteo bebak thaio nw khum bokmwngwi mwitu kwlai jagwi tongw.
Bubagra Salangkha laibuma swnamna hinkhe borok ni bwkhao swi nani nangw. Omo haikhe boni samwng hwmwngnw hayung gwnangwi mwitu khwlai jagwi tongw.
Omo haikhe nw Tripurani Talented Sikla swrwng tongnai – Mangrik kwrwng Rohit Debbarma bubagrani achaima salno rwk sawi Bubagra Bir Bikram ni mangthong haiya kheba kaya swnamwi Agartalani Rajbari bwskang Bubagrani achaima salno mwchang rowi rokha Artist Rohit Debbarma.
Kami- Town, sikan-wanjwi bebak thaio bebak Tripurani luku rok rok nw palaima nwk jakha Bubagra Bir Bikram Kishore Manikya Achaima salo bisi bwrwngni haikhe nw.
