Roman Script ni jwngjal Tripura hasteo tabokni simiya, TBSE ni yakulo CBSE o kokborok subject duljakma yakulo english bai maswiya hinwi notification koploma bai haino hai Roman script chajaknai rok khorang tisana chengkha.
Omo Haikheno TBSE board kokborok subject no bw roman script bai swina rosawi tisanai humabai joli jak students bodal rok.
O sanmwngni bangwi no TISF tei TSF kwthalaiwi 12 tarik o roadway tei railway kasulaikha.
Paithako Haphangni borok rok o jwngjalno naharwi multiple script baino kokborok subject no swiwi mannai hinwi sakhlai kha press meet ni bisingtwi Montri Sushanta Chowdhury.
Montri okrani daghemung baino omo hai Kokborok Subject no hamjakmwng phunukha hinwi BJP Janajati Murchani adhong rok Tripura hasteni Montri okra Prof. (Dr.) Manik Saha Hambai yaphar laikha. Janajati Murcha ni tangphang David Debbarma no karwi joto murchani adhong rogno hambai yaphar laima nwk jakha.
O jwngjal no kitingwi jotono khatung laijak – TISF ni adhong rok bw road block khaima rosawi tisalaikha tei kaisa kwishu thaio baji kogwi bw mwsalaima nwk jakha miya hor thangnaio.
